கவிமாலை சிங்கப்பூர்

இவர் ஒரு எழுத்தாளராகவும், சிறந்த கல்விமானாகவும் திகழ்ந்தார்.

ஆரம்ப காலகட்டங்களில் ஓர் ஆசிரியராக பணியாற்றினார். பின்பு கல்வி அமைச்சின் பாடத்திட்ட வரைவுப் பிரிவில் உயர்நிலைப் பள்ளிகளுக்கான பாடநூல் உருவாக்கப் பணியில் ஈடுபட்டு வந்தார்.

முப்பத்தாறு ஆண்டுகள் தமிழாசிரியராகப் பணியாற்றி ஓர்வு பெற்றுள்ளார். பல விருதுகளைப் பெற்றவர்.

கல்வி, மொழி, இலக்கியம் தொடர்பான மாநாடுகள், ஆய்வரங்குகள் ஆகியவற்றில் கலந்து கொண்டு கட்டுரைகள் படைத்துள்ளார். கவியரங்குகளிலும் பட்டிமன்றங்களிலும் பங்கேற்றுள்ளார்.

2014: அருள் மலர்கள் : பாத்தொகுப்பு (பக்திச் சுவை மிக்க மரபு பாடல்கள்)

2014: தமிழ் உலா : பாத்தொகுப்பு (சிங்கையின் நாடு, மொழி,சமுதாயத் தலைவர்கள் பற்றி விருத்த, வெண்பா, உலா வரிசைகளாகத் தந்திருக்கிறார்.)

2016: துளிகள் : சிறுகதைத் தொகுப்பு

திருமதி.பார்வதியின் படைப்புகள் கவிஞர் மு.தங்கராசன் தொகுத்த “கவிக்குலம் போற்றும் தமிழவேள்“, தமிழ் நாட்டில் வெளியிடப்பட்ட “தமிழ் நானூறு“, சிங்கப்பூர்த் தேசிய பல்கலைக் கழகம் வெளியிட்ட Memories and Desires (A poetic history of Singapore),

ஸ்ரீநிவாசப் பெருமாள் கோயில் குடமுழுக்கு மலர், சிங்கப்பூர் தமிழ் எழுத்தாளர் கழகத்தின் “சிங்கப்பூர்த் தமிழ் இலக்கியம் – ஒரு நூற்றாண்டு வளர்ச்சி” எனும் ஆய்வரங்க நூல், சென்னையில் நடைபெற்ற உலகத் தமிழ் ஒப்புரவாளார் மாநாட்டு மலர், தமிழ் மலர், தமிழ் முரசு, தமிழ் நேசன் ஆகியவற்றில் இடம்பெற்றுள்ளன.

24.10.2010 – சிங்கப்பூர் தமிழ் எழுத்தாளர் கழகத்தின் தமிழவேள் விருது

2015: சிறந்த கவிதை நூலுக்கான (தமிழ் உலா) கவிமாலையின் தங்கப்பதக்க விருது.

படிக்கும் காலத்தில் சமூக அமைப்புகள், அமைச்சுகள் நடத்திய பல கட்டுரைப் போட்டிகள், பேச்சுப் போட்டிகள் ஆகியவற்றில் பலமுறை முதல் பரிசு பெற்றுள்ளார். மாதவி இலக்கிய மன்றம் நடத்திய முத்தமிழ் விழாவில் கட்டுரை, சிறுகதை ஆகியவற்றுக்கு பெரியவர் பிரிவில் முதல் பரிசு பெற்றார். சென்னை மாணவர் மன்றம் மலேசிய, சிங்கப்பூர்த் தமிழர்களுக்காக நடத்திய கவிதைப் போட்டியில் முதல் பரிசும், கட்டுரைப் போட்டியில் இரண்டாம் பரிசும் பெற்றுள்ளார்.