சொல்லே அதிகம் சுடும்

0
43

சொல்லே அதிகம் சுடும்

முதல் வகுப்புப் பயணத்தில்

இறக்கிவிட்ட ஆத்திரத்தைவிடவும்

அண்ணலின் இதயம் தைத்தது

ஆங்கிலேயன் நிறவெறியால் உதிர்த்தவை தான்

தேங்காய்ச் சிரட்டையில்

தண்ணீர் தவிக்கக் கேட்கும்

காத்தாயிப்பாட்டியின் பேத்தி தெரியாமல்

தொட்ட கண்ணாடிக்குவளைக்காக 

வீசிய சாதிய சுட்டல்களில் தான்..

மேல்மருத்துவத்தில் மேடேற

முட்டிமோதி வேற்றூரில் தனித்திருந்த

மருத்துவமாமணிகளின் மனத்திடத்தை வேரறுத்துக் கொன்ற 

பாதகரின் சீண்டல் பேச்சுகளில் தான்..

பல்லாயிரம் குத்தூசியிட்டுக் கிழித்திடும்

வலியினும் ஆறா ரணமான

சொற்களே அதிகம் சுடும்..!

– ச. மோகனப்பிரியா